صوت مكتوب: قصائد سيد فاقد
الرئيسية قصائد سيد فاقد
‏إظهار الرسائل ذات التسميات قصائد سيد فاقد. إظهار كافة الرسائل
‏إظهار الرسائل ذات التسميات قصائد سيد فاقد. إظهار كافة الرسائل

كلمات يبنيه مكتوبه سيد فاقد الموسوي الشاعر حمزه الحسناوي

   تعليق   

كلمات يبنيه مكتوبة


الرادود سيد فاقد الموسوي
كلمات الشاعر حمزه الحسناوي


  • مسجد السيد الشهيد الصدر | العراق - واسط - الكريميه
  • شهر محرم الحرام  :: 2023-1445
  • ~~~~~~~~~
  • قصيدة : يبنيه مكتوبة
  • الرادود : سيد فاقد الموسوي
  • كلمات : حمزه الحسناوي
  • ~~~~~~~~~
  • كتابة القصيدة : موقع صوت مكتوب
  • تصوير : شبكة ناي
  • مونتاج : نورس الطيب

~~~~~

يبنيه شو كلبج يدك مو مثل الزغار

واقره اعله وجهج بينت مو زينه الاخبار

~~~~~

يبنيه بتمن والتعب بعيونج هواي

لاكاني كبلج جم طفل يركض بلا راي

جنكم عطاشه وما وصل شفتكم الماي

ياهمه اهلكم وشعجب شو كلها حفاي


دخان بهودمج شني مركضينج بنار

يبنيه شو كلبج يدك مو مثل الزغار

~~~~~

المستهل

~~~~~

عمه انه علويه وتهت من هود الليل

ذوله الشفتهم بالدرب كلهم مداليل

نركض طلعنه بكل كتر بين المجاتيل

ياعمي والما لحكوا سحكتهم الخيل


خليني بس اخذ نفس واحجيلك الصار

يبنيه شو كلبج يدك مو مثل الازغار

~~~~~

المستهل

~~~~~

هاي انه ابوي بكل شبر فوك الرمل نام

ياعمي شايفلك جسم ماينحسب كام

ضل كل سهم ياخذ كتر من ذيج الاعضام

بالدفنه باجر لازم يدفنون الاسهام


ياعمي باجر بالدفن دفانه احتار

يبنيه شو كلبج يدك مو مثل الازغار

~~~~~

المستهل

~~~~~

تعب الركض كلش سهل نرتاح ويروح

سهلات ذني امن الحبل بجفوفي الجروح

ياعمي كون اعليه نوحك بطل النوح

عبدالله ازغر مني بس عبدالله مذبوح


مامش سهم كده انذبح بسهام الاكبار

يبنيه شو كلبج يدك مو مثل الازغار

~~~~~

المستهل

~~~~~

سالفت ابوي الما جرت لامرت بطيف

ياعمي شايفلك ذبح بالكيف بالكيف

ضل يذبح بنحره شكثر ماكام ياحيف

وبذبحه كال اتعطلت جي كالب السيف


وبسيفه من كتر لكتر كلساع يندار

يبنيه شو كلبج يدك مو مثل الازغار

~~~~~

المستهل

كلمات كل مايجي اليل مكتوبه سيد فاقد الشاعر حمزة الحسناوي

   تعليق   

كلمات كل مايجي اليل مكتوبة


الرادود سيد فاقد الموسوي
كلمات الشاعر حمزة الحسناوي


  • مضيف صاحب الزمان (عح) | العراق - ذي قار - البطحاء
  • شهر ربيع الاول :: 2023-1445
  • ~~~~~~~~~
  • قصيدة : كل مايجي الليل
  • الرادود : سيد فاقد الموسوي
  • كلمات : حمزه الحسناوي
  • ~~~~~~~~~
  • كتابة القصيدة : موقع صوت مكتوب
  • تصوير : مرأة الطف
  • مونتاج : عباس وحيد
  • مكساج : كرار التميمي

~~~~~

كل مايجي اليل اطلع ذكرياتي

واحجي وي العيون واكلها هنا خذانه

وافرش عله الكاع رسايل من خواتي

وتأيس الروح وارد كلشي لمكانه


جف اليدور عليك حزنك خذاه وين

من ايس من الباب دك الحياطين

انحب لحد ما اطيح وانشف لماموت

وارجع واكلها الروح يستاهل حسين


معقوله هاي انه البقت وحدها ياناس

وانه الجنت اغفه وافز بعيون عباس

انه اليحبوني

بالفركه جازوني


~~~~~

اكتبها بالكاع وصية هاي العيون

لاثار الاجدام حجيت اوي النياشين

من الضعن راح خفت عنهم يعطشون

جا كثروا بالماي عليكم راس الحسين


كل ما اكض الماي وجهك يجي وياي

ياربي سترك ليش تعرضلي بالماي

مدري شلجمني عليك واتراجفت حيل

شو من اكول حسين كمت اعطش هواي


ما ادري بس كلش خفت واتغير الحال

واجفوفي احسها اتجتفت وحدها بأحبال

انه اليحبوني

بالفركه جازوني


~~~~~

بشرني يحسين صدك عبدالله كبران

ليهسه بالبيت سوالفنه وضحكنه

هم بعدك اتخاف عليه حته من الخوان

اتذكر اتغار اذا باسو ركبته


حاجب حلو من العين للوجنه داير

يشبه للاكبر حيل كالولي صاير

هنياله هسه الشاف وجه وضحكته

كون برساله يصير يحسين اسافر


زينب تلكيني يزينب حيل مابيه

زينب مدري شلون اجيت امشي اعله رجليه


بويه برقيه احجيلي اهواي الها حنيت

كله العليله تريدج لاتبطي عالبيت

انه اليحبوني

بالفركه جازوني


~~~~~

انه البقه الثوب يطيح بجية الريح

حلف الجدم كون وكف مره اعله حيله

كلمن باسمه عرفنه الوادم تصيح

بس انه ياناس يصيحولي العيليه


اتجه عالحيطان واتموت الاجدام

واتخيلك كدام يله امشي كدام

جم دوب اضل يحسين باحلامي اتانيك

انه ارد اشوفك جاي ماريد الاحلام


مو من عوايدك هلي تخلوني اشتاك

يتلاكن ضلوع الكلب ضعفا بالافراك

انه اليحبوني

بالفركه جازوني


~~~~~

يم ثوبك ارتاح واحس اتخف الهموم

حته اطرد الخوف احط ردنه اعله متني

وي ضلمة اليل انام بصف الهدوم

عود انت موجود شكلك ماعفتني


حته المرض بجفاك يغفه ولجمته

لو ماكلتلي اعليك ذمه بركبته

مو مثل اليعشكون عاشكت انه

ثوبك كعد وياي كد ماندهته


هذه الكلب المن يدك ارد افتهم ليش

لايكدر يرد المشو لايكدر يعيش

انه اليحبوني

بالفركه جازوني

كلمات يحسين هذا القصر مكتوبه سيد فاقد الشاعر احمد المشرفاوي

   تعليق   

كلمات يحسين هذا القصر مكتوبة


الرادود سيد فاقد
كلمات الشاعر احمد المشرفاوي


  • حسينية علي ابن موسى الرضا (ع) | العراق - ذي قار - سوق الشيوخ
  • جمادى الاولى  :: 2023-1445
  • ~~~~~~~~~
  • قصيدة : يحسين هذا القصر مكتوبة
  • الرادود : سيد فاقد
  • كلمات : احمد المشرفاوي
  • ~~~~~~~~~
  • كتابة القصيدة : موقع صوت مكتوب
  • تصوير : اعلام الحسينية
  • مونتاج : اثير جعفر
  • مكساج : سجاد نايف

~~~~~

يحسين هذه القصر 

مالايك لطولي

هالمره اخوج بطشت

متانيج كالولي

ليل الخرايب صعب

يخواني لحكولي

شيسكت ام الولد

عالمامش تلولي

~~~~~

امشي عبايه ودمع

يحسين عفتوني

محدبه وبالف ياعلي

يله اعدل امتوني

يحسين شبعت هضم

مو بس بجي عيوني

ديوان عالك ضحك

وبنصه حطوني

~~~~~

من السوك حد القصر

ماسكت صوت الدف

صفين غربه وفتت

مابين صف وصف

مره اعرك من الخجل

من خوفي مره انشف

لو يعثر بوسط الزلم

شيسوي المجتف

~~~~~

فازع الشام بفرح

ويصيح بحيله

هالمره علنه بهلج

ماردوا العيله

مجتوفه هيبه علي

ياميلة الميله

شبعت راسك قهر

جم دوب اوميله

~~~~~

كلمات قتال العرب مكتوبه سيد فاقد الشاعر محمود الموسوي

   2 تعليقات   

كلمات قتال العرب مكتوبة


الرادود سيد فاقد
كلمات الشاعر محمود الموسوي


  • هيئة لواء زينب(ع)- قصر العباس | العراق - البصرة
  • جمادى الاولى  :: 2022-1444
  • ~~~~~~~~~
  • قصيدة : قتال العرب مكتوبة
  • الرادود : سيد فاقد
  • كلمات : محمود الموسوي
  • ~~~~~~~~~
  • كتابة القصيدة : موقع صوت مكتوب
  • تصوير : اعلام الهيئة
  • مونتاج : نورس الطيب
  • مكساج : احمد البرمكي

~~~~~

تنضم الاكوان بعلي وسر الوجود بحيدره

علي علي

تسبيح الافلاك ابتده ونور الشمس من ناظره

علي علي

موسى انتخه وشك البحر جي صاح بأسمه وعبره

علـي علـي

بحروفه منتجيه السمه وبيده النجوم امسطره

عـلي عـلي

كهف العجايب والفلق والطارق ولوح السمه

علي علـي

ربك خلق كلشي بعلي وبلا حجاب يكلمه

علـي علي

كل دكه تصرخ ياعلي وكل ياعلي يافاطمه

عـلي علي

ماطلكت الكعبة ابشر بس بعلي حامي الحمه

علي عـلي

نفس الرسول ومهجته وروحه وشريكه البالكلب

علي علي

يتسمى قتال العرب جي بالحرب ماينغلب

عـلي عـلي

من عطره حبينه الهوى وصلينه باسمه اعله الدرب

علي عـلي

ترهب صفاتك ياعلي انت السهل وانت الصعب

علـي علي

وجه الله والاءه علي ومن العلي اسمه ابتده

عـلـي علي

والهدم اصنام الشرك والحارب الجن وحده

علـي عـلـي

ياقالع الباب التي ماتهتز بجف العده

علـي علي

انت العظيم انت الاسد والكون اميره وسيده

عـلي علـي

قد قاب قوسين ودنه ونور الإله امجلله

علـي عـلي

قل لافتى الا علي وبس هوه راعي المرجله

عـلـي عـلي

خلّف سبع عالكنطره ومن عنده ترجف كربله

عـلي عـلـي

ادم سجد يم يضرته وصاح اسمه كبل البسمله

علـي عـلـي

قصيدة اخوي زينب كتلو عباسي مكتوبه الرادود سيد فاقد الموسوي الشاعر احمد المشرفاوي

   تعليق   


كلمات اخوي زينب كتلو عباسي مكتوبة


الرادود سيد فاقد الموسوي
كلمات الشاعر احمد المشرفاوي


اخــوي زينب كتلوا عـبـاسي
اخــوي رجَّعني مدنّگ راسي ..

حچي الشامت بده
صـاحـولـي الـعـده
خـطـيـه لـوَحَـده

اخــوي.. اخــوي..
ــــــــــــــــــــــــــــــــــــــــــــــــــــــــ

يالعيــون..
گولن گاعد اتحلم يالعيــون
يضحكون..
اشوف الوادم اگبالي يضحكون
يصيحون..
راح اليحمي نسوانك يصيحون..

لازم تنذبح صاحوا الصوبين
راح اتيه نسوانك يَـ لحسين

ولازم تنسحگ
وزينب تحترگ
صحت بس لا صدگ

اخــوي.. اخــوي..
ــــــــــــــــــــــــــــــــــــــــــــــــــــــــ

الضهر مال..
وگفت و گتله يَبن امي الضهر مال
عَلَي شال..
راسه و صفن و اتبسم عَلَي شال
بچه و گال..
ثاري هواي اشبهنَّك بچه و گال..

گلبك ينسمع بس لا ركض جاي
فدوه إيروحلك عباس و الماي

حضنته وكله دم
حرّكته انثلم
شيشيلك للخيم

اخــوي.. اخــوي..
ــــــــــــــــــــــــــــــــــــــــــــــــــــــــ

بعد وين..
الگه اليحرس اخيمچن بعد وين
تنشدين..
شلون الكافلچ بس لا تنشدين
تموتين..
يَزينب من تشوفينه تموتين..

امبين من مچانه اهواي مشيول
من الشط للنص مدنيته الخيول

كتر ماهو كتر
عل طف منتثر
صايحلي اشكثر

اخــوي.. اخــوي..
ــــــــــــــــــــــــــــــــــــــــــــــــــــــــ

يَمَگفاي..
الف چف ما يعدلَنك يَمَكفاي
ابممشاي..
يَزينب جيتچ اتهطر ابممشاي
اعله مبچاي..
اريدن كل مَرَه تبچي اعله مبچاي..

نطب للخيمه خاف اتشوفنه الناس
و لمي الحرم ونعيلي اعله عباس

لو عندي وكت
وياچن ثغَّبت
وبنصچن صحت

اخــوي.. اخــوي..
ــــــــــــــــــــــــــــــــــــــــــــــــــــــــ

الحسين..
يزينب تره اليمچ نص الحسين
تعرفين..
اخوي اهواي يازينب تعرفين
النساوين..
يستاهل لطم وي النساوين..

ما وفي اعله صدري اشما الطم حيل
راح الطم علي بحوافر الخيل

فرس تدفع فرس
ولا اگللهه بس
و اصيح اخر نفس

اخــوي.. اخــوي..
ــــــــــــــــــــــــــــــــــــــــــــــــــــــــ

اداء : سيد فاقد الموسوي

الشاعر : احمد المشرفاوي

كلمات موتي ياروحي مكتوبة الرادود سيد فاقد كلمات احمد المشرفاوي

   تعليق   


كلمات قصيدة موتي ياروحي مكتوبه


الرادود سيد فاقد الموسوي
كلمات الشاعر احمد المشرفاوي


~~~~~~~~~~~~

موتي ياروحي الصبح شلعان گلبج
حسين بعيونه حجي ويمكن يزعلج

ياهو الاتنوعله يبجي و دار عينه
اهلي شي عدهم عليه وضامينه

حسين بعيونه حجي ويمكن يزعلج

~~~~~~~~~~~~

اخ من باجر يروحي و ريت باجر طال فجره
حسين كل ساع وشبگني وبجه وضماني اعله صدره
هوه يبجي وانه ابجي وحايره ايصبرني اصبره
هو سكته وانه سكته اثنينه امسكتتنه عبره

جن اكله احسين مايرهم جفانه
وهو جنه يكلي باجر مو ويانه

حسين منج مستحي ومدر شيگلج
حسين بعيونه حجي ويمكن يزعلج

~~~~~~~~~~~~

موتي ياروحي الصبح شلعان گلبج
حسين بعيونه حجي ويمكن يزعلج

ياهو الاتنوعله يبجي و دار عينه
اهلي شي عدهم عليه وضامينه

حسين بعيونه حجي ويمكن يزعلج

~~~~~~~~~~~~

من امس سهرانه عيني و فايضه وما غمضتهه
روحي كل ساع الهه فزه وبيهه تاكل سالفتهه
كلهن التمن خواتي وكل اخت صيحت اختهه
وحده كضت بيد وحده وايدي كضت خاصرتهه

روحي مامرتاحه كلش من سفرهم
كون اموت وما يخلوني بضهرهم

ها يروح ومحد يحن الدمعتج
حسين بعيونه حجي ويمكن يزعلج

~~~~~~~~~~~~

موتي ياروحي الصبح شلعان گلبج
حسين بعيونه حجي ويمكن يزعلج

ياهو الاتنوعله يبجي و دار عينه
اهلي شي عدهم عليه وضامينه

حسين بعيونه حجي ويمكن يزعلج

~~~~~~~~~~~~

ما اروحن وي خواتي وراح اضلن وحدي چني
هاي اول مره ابوي شما اشوفه يدور عني
يبجن علية البنات ومن اجيهن يشبگنني
اشما اريد ابجي عله ابويه التمن علية وخذني

جنهن اموصيهن ايبعدني سكته
حسين ما يكدر يشوف دموع بنته

حته من اوداعه ياروحي يحرمج
احسين بعيونه حجي ويمكن يزعلج 

~~~~~~~~~~~~

موتي ياروحي الصبح شلعان گلبج
حسين بعيونه حجي ويمكن يزعلج

ياهو الاتنوعله يبجي و دار عينه
اهلي شي عدهم عليه وضامينه

حسين بعيونه حجي ويمكن يزعلج

~~~~~~~~~~~~

يالهي بجاه ابويه اتعجل بموتك الي
ارد اموت ابحضن ابوي وبين عماتي وهلي
امنيتي جانت من تموت يشيلني الاكبر علي
ليش اضل بداري وحدي ويمشي فارغ محملي

ليش اضل اببيت مابي بس عطرهم
لا اندل واطلع ادور عن خبرهم

موتي يومية مسافتهم تحلفج
حسين بعيونه حجي ويمكن يزعلج

~~~~~~~~~~~~

موتي ياروحي الصبح شلعان گلبج
حسين بعيونه حجي ويمكن يزعلج

ياهو الاتنوعله يبجي و دار عينه
اهلي شي عدهم عليه وضامينه

حسين بعيونه حجي ويمكن يزعلج

~~~~~~~~~~~~

ربي يكون الليلة اموتن بلكي روحي يزول همهه
جنازه يمهه احسين احسن موش عدله وما هو يمهه
ياهو منجن ماتردني خل تگلي وخل اشمهه
گلبي عاصرني الرقيه ومن امس الهج بسمهه

ازغار واعله اعيونه امبين فقرنه
مدري ليش الدنيا ماترحم زغرنه

خوفي ياروحي الصبح محد يحملج
حسين بعيونه حجي ويمكن يزعلج

~~~~~~~~~~~~

موتي ياروحي الصبح شلعان گلبج
حسين بعيونه حجي ويمكن يزعلج

ياهو الاتنوعله يبجي و دار عينه
اهلي شي عدهم عليه وضامينه

حسين بعيونه حجي ويمكن يزعلج

~~~~~~~~~~~~

يا اصغر ابنيه مكتوبة الرادود سيد فاقد كلمات احمد المشرفاوي

   تعليق   


كلمات قصيدة يا اصغر ابنيه مكتوبه


الرادود سيد فاقد الموسوي
كلمات الشاعر احمد المشرفاوي


~~~~~~~~~~~~~~~~~~~~
يبنيتي رايح للذبح .. هاي آخر أنفاس العمر
باچر امتانيچ السبي .. رجليچ مو مالت جمر
يا ازغر ابنيه .. من هسه مسبيه
رجليچ مو مالت جمر
رجليچ مو مالت جمر
~~~~~~~~~~~~~~~~~~~~

يبنيتي ماشوفج بعد . ياروح أبوچ الدافيه
يبنيتي و وداعچ صعب . همزين شفتچ غافيه
تكسر الخاطر نومتچ . يابويه نوم العافيه
باچر وره الخدر ركض . جيب اليركـضچ حافيه

من يدون اخيامچ .. شيركض اجدامچ

رجليچ مو مالت جمر
~~~~~~~~~~~~~~~~~~~~
يبنيتي رايح للذبح .. هاي آخر أنفاس العمر
باچر امتانيچ السبي .. رجليچ مو مالت جمر
يا ازغر ابنيه .. من هسه مسبيه
رجليچ مو مالت جمر
رجليچ مو مالت جمر
~~~~~~~~~~~~~~~~~~~~

يبنيتي باچر عالخيم . لو غار عسكرها وعبر
ماتنحمل غربة وحبل . سوط وهزل والباقي بر
عماتچ ابطرگ العبي . رگضن لعد صوب النهر
محد تفگدچ يلتهن . يتلاوذن عن النظر

حگهن يعوفنچ .. أغله الستر منچ

رجليچ مو مالت جمر
~~~~~~~~~~~~~~~~~~~~
يبنيتي رايح للذبح .. هاي آخر أنفاس العمر
باچر امتانيچ السبي .. رجليچ مو مالت جمر
يا ازغر ابنيه .. من هسه مسبيه
رجليچ مو مالت جمر
رجليچ مو مالت جمر
~~~~~~~~~~~~~~~~~~~~

اشسويتي بيه ابنومتچ . مشتاگ أضـمچ للصدر
اتمنه اشبگبچ گبل . لا يشبگ اعليه الشمر
خوفي من أهدچ ما اگدر . لوداعچ وخاف أنكسر
راح امشي ياثگل المشي . العايف ورا دنية خدر

راح امشي للحافر .. واشتاگلچ باچر

رجليچ مو مالت جمر
~~~~~~~~~~~~~~~~~~~~
يبنيتي رايح للذبح .. هاي آخر أنفاس العمر
باچر امتانيچ السبي .. رجليچ مو مالت جمر
يا ازغر ابنيه .. من هسه مسبيه
رجليچ مو مالت جمر
رجليچ مو مالت جمر
~~~~~~~~~~~~~~~~~~~~

بالخيل لازم انسحگ . متواعد اوياهن وعد
اتمنه هسه امي ولو . ماتحمل امدافع بعد
يالچنچ امي بكل وصف . بس ما متعبچ بالمهد
شيبي اعله طولي ومن امر . يمچ احس روحي ولد

راح اسبح ابدمي .. في ماالله يـ أمي

رجليچ مو مالت جمر
~~~~~~~~~~~~~~~~~~~~
يبنيتي رايح للذبح .. هاي آخر أنفاس العمر
باچر امتانيچ السبي .. رجليچ مو مالت جمر
يا ازغر ابنيه .. من هسه مسبيه
رجليچ مو مالت جمر
رجليچ مو مالت جمر
~~~~~~~~~~~~~~~~~~~~

كل مره وياي آخذچ . بس هسه ارجوا المعذره
تدرين رايح للذبح . وفياي ماكو ولا ذره
مو خوش نومه اعله الرمل . والخيل لوهدت سره
يبنيتي مو مالت سحگ . والحافر ابكبرچ تره

لو داسچ اتموتين .. وگبالي تطشرين

رجليچ مو مالت جمر
~~~~~~~~~~~~~~~~~~~~
يبنيتي رايح للذبح .. هاي آخر أنفاس العمر
باچر امتانيچ السبي .. رجليچ مو مالت جمر
يا ازغر ابنيه .. من هسه مسبيه
رجليچ مو مالت جمر
رجليچ مو مالت جمر
~~~~~~~~~~~~~~~~~~~~

ماودي اعوفچ وحدچ . وانموت ودلي سوه
كل جرح يتشافه ويجف . بس الهجر ماله دوه
من عندي باگت چم اخو . چم ضحكة باگت نينوه
من امشي شأتنفس بعد . يـ بنيتي غير انتي الهوه

ياحيرة الحيرة .. يا أمي الزغيره

راح امشي للحافر .. واشتاگلچ باچر

راح اسبح ابدمي .. في ماالله يـ أمي

حگهن يعوفنچ .. أغله الستر منچ

من يدون اخيامچ .. شيركض اجدامچ

لو داسچ اتموتين .. وگبالي تطشرين

ياحيرة الحيرة .. يا أمي الزغيره

رجليچ مو مالت جمر
~~~~~~~~~~~~~~~~~~~~

كلمات ع الشالو مكتوبه الرادود سيد فاقد كلمات الشاعر فاضل حسن

   1 تعليق   


كلمات قصيدة ع لشالو مكتوبة كتابة سيد فاقد


الرادود سيد فاقد الموسوي
كلمات الشاعر فاضل حسن


~~~~~~

عالشالو بعيد الگلب شال

ما تنبچي الدمعات تنگال

حسرة علينا راحة البال

لاياخذ ول ا ينطي گلبي

~~~~~~

شعدها العيون مچلبه بالراس

وي ناس ابد ما تشبه الناس

للحنّه تعطش ورگة الياس

طاسه اعله حِبّ الضيم گلبي


آآآخ بويه دم وجههم مثل دمي

حچاية أمهم حيل چنها حچاية أمي


شرايدين
رايدين الباچر شويه صبح

خايفين
خايفين عالجرح يوكع جرح

~~~~~~

عالشالو بعيد الگلب شال

ما تنبچي الدمعات تنگال

حسرة علينا راحة البال

لاياخذ ول ا ينطي گلبي

~~~~~~

نسفط نزورك لو توابيت

ونحبحب چفوف الزواتيت

وين الگبور العاليه الصيت

گصّو چفنّه من عبيهُم


هيدولنه  برملتهم شواي

شويون بس حگ شُربة الچاي

خايب يَكون_النِفَس وياي

للراس زين الوَن عليهم


ما درينه ليش هيچ الوكت گطعي

الموت هاي الفتره حط عينه اعله ربعي


شماخذين
غير بس الضيم من هذا العمر

اشايفين
صرخه بالكاروك دمعه اعله الگبر

~~~~~~

عالشالو بعيد الگلب شال

ما تنبچي الدمعات تنگال

حسرة علينا راحة البال

لاياخذ ول ا ينطي گلبي

~~~~~~


كلمات اشتاكلك مكتوبه الرادود سيد فاقد

   تعليق   


قصيدة اشتاكلك مكتوبة


الرادود سيد فاقد الموسوي



 اشتاكلك اشتاكلك 

شما يلاكيني الغروب اشتاكلك اشتاكلك 

يبو خوه مثل اريد انساك 

حتى من اريد انساك بجفوفي صورة اللكاك 



اذكروني اذكروني 

ايموت يعييش بين اسوالف الصحبه 

وحشه المكبره وحسيت بالغربه 

ماريدن ثواب هواي ثواب المختنك شمة

انه نسيت وفراشك فرشته 

هلي وصحباني احاجيكم اذكروني 

اذكروني بشقة الصحبان اذكروني 

لان مشتاق اشاقيكم 

واذا مابيكم تذكرون صوره بحايط ابجوني 

شفتهم شوف العيون 



شلون العمري عاشرتة       بليلة ويوم ضيعتة 

كلشي بيه يحن عليك       جروحي ضلت تحجي بيك 

الأشعارات
اهلا بك اخى الكريم فى موقع صوت مكتوب
ان كنت من المهتمين بكل جديد فى العالم التقنى يمكنك الاشترك فى قناة تى جو على اليوتيوب بالضغط على زر اليوتيوب فى الاسفل حتى تكون اول المستفيدين من شروحاتنا .
=================================
وان كان لديك اى اسئله او اقتراحات يمكنك التواصل معنا عبر مواقع التواصل الاجتماعى اسفل الرساله وسوف نقوم بالرد فى اسرع وقت .
شكرا على المتابعه .

حسناً